

D3059

།ཇི་ལྟར་འདོད་དོན་གསོལ་བ་གདབ། །དཔལ་རྟ་མགྲིན་གྱི་སྒྲུབ་ཐབས་སློབ་དཔོན་ཆེན་པོ་དཔལ་མར་མེ་མཛད་ཡེ་ཤེས་ཀྱིས་མཛད་པ་རྫོགས་སོ།།[་]@##། །རྒྱ་གར་སྐད་དུ། ཨཱརྱ་ཨ་ཙ་ལ་སཱ་དྷ་ནཾ་ནཱ་མ། བོད་སྐད་དུ། འཕགས་པ་མི་གཡོ་བའི་སྒྲུབ་ཐབས་ཞེས་བྱ་བ། འཕགས་པ་མི་གཡོ་བ་ལ་ཕྱག་འཚལ་ལོ། །དུས་གསུམ་སངས་རྒྱས་ཀུན་ཀྱི་བདག་།ཐུགས་སྤྲུལ་ཁྲོ་རྒྱལ་མི་གཡོ་མགོན། །ཕྱི་ནང་བར་ཆད་སེལ་མཛད་ལྷ། །སྐུ་གསུང་ཐུགས་ལ་ཕྱག་འཚལ་ནས། །བརྩེ་ལྡན་ཉིད་ཀྱིས་འགྲོ་དོན་དུ། །རྒྱུད་དང་བླ་མའི་མན་ངག་ལ། །བརྟེན་ནས་ཡང དག་གཟུང་བའི་རིམ།།ཁྲོ་རྒྱལ་མི་གཡོའི་སྒྲུབ་ཐབས་བྲི། །དང་པོ་སྐྱབས་འགྲོ་སོ་སོར་ཐར། །བྱང་སེམས་རིག་འཛིན་སྡོམ་པ་རྣམས། །ལེགས་པར་ཐོབ་བསྲུངས་སྔགས་པ་ཡིས། །དབེན་པའི་གནས་སོགས་ཉམས་དགའ་འམ། །ཁང་བཟངས་གཙང་སྦྲར་བྱས་པའི་ནང་། །མཎྜལ་ལ་སོགས་ མཆོད་པ་དགྲམ།།སྐུ་གཟུགས་ལ་སོགས་དེ་བཞིན་དུ། །གཙང་ལྡན་ཡོ་བྱད་གང་འབྱོར་བ། །ཐོ་རངས་ཁྲུས་སོགས་ཆུ་སྦྱིན་བྱ། །ཀུ་ཤ་ལ་སོགས་སྟན་ལ་བསྡད། །ཧ་ཧཱུཾ་ཧྲི་དང་ཧཾ་མཾ་སོགས། །སྔགས་བརྗོད་ཁྲོ་བོས་བར་ཆད་བསལ། །བླ་མ་ཡི་དམ་དཀོན་མཆོག་རྣམས། །དག་པའི་གནས་སུ་ གདན་བཞུགས་ལ།།ཕྱག་དང་མཆོད་པ་སྡིག་བཤགས་དང་། །རྗེས་སུ་ཡི་རང་བསྐུལ་གསོལ་དང་། །བྱང་ཆུབ་བསྔོས་ལ་སྐྱབས་སུ་འགྲོ། །བསམ་གཏན་ཏིང་འཛིན་མོས་པ་བྱ། །བྱང་ཆུབ་སེམས་ཀྱི་རྒྱུན་སྤེལ་ཕྱིར། །བྱམས་དང་སྙིང་རྗེ་དགའ་བ་དང་། །བཏང་སྙོམས་ཚད་མེད་རྣམ་པས་ནི། ཚངས་པའི་གནས་བཞི་བསྒོམ་པར་བྱ། །འགྲོ་རྣམས་བདེ་ལ་དགོད་པའི་ཕྱིར། །བྱང་ཆུབ་ཆེན་པོའི་སེམས་རྒྱུན་བསྒོམ། །སྔགས་དང་ཕྱག་རྒྱ་ལ་སོགས་དང་། །མི་འབྲལ་དད་པས་བསྒྲུབ་པར་བྱ། །ཕྱག་རྒྱ་དང་བཅས་སྔགས་འདི་བརྗོད། །ན་མཿས་མནྟ་བཛྲཱ་ཎཱཾ་དྷརྨ་དྷཱ་ཏུ་ཡ་སྭ་བྷཱ་ཝ་ཨཱཏྨ་ཀོུ྅ཧཾ། རྡོ་རྗེ་སྐྱིལ་ཀྲུང་རབ་བཅས་ཏེ། །སྙིང་གར་ཉི་མ་ལ་གནས་པའི། །ས་བོན་འོད་སྒྲའི་སྤྲོ་བསྡུ་ལས། །ཆོས་ཀུན་ནམ་མཁའ་ལྟ་བུ་ལ། །མཐའ་བཞི་ལས་གྲོལ་རྣམ་པར་བསྒོམ། །དེ་ནས་སྟོང་ཉིད་ངང་ལས་ནི། །སྐད་ཅིག་སྒྱུ་མའི་ལུས་སུ་བལྟ། །འོད་ཀྱིས་ཐམས་ཅད་ཧཱུཾ་ལ་བསྡུ། །དེ་ཉིད་སྟོང་པར བརྟན་པར་བསྒོམ།།དེ་ཡི་ངང་ལས་ནམ་མཁའི་འོད། །འདྲ་བའི་ཐུགས་ཀྱི་ས་བོན་ནི། །སེམས་ཀྱི་བདག་ཉིད་གསལ་བར་བལྟ། །དེ་འོག་གཾ་སྤྲོས་ཚོགས་བདག་སྟེ། །པཾ་སྤྲོས་སྣ་ཚོགས་པདྨར་བལྟ། །དེ་སྟེང་རཾ་ལས་རྟ་བདུན་པ། །དེར་ནི་ཧཱུཾ་ཉིད་བལྟ་བར་བྱ། །དེ་ལས་བྱུང་བ་ཤེས་རབ་ཀྱི། ། རལ་གྲི་སྔོན་པོའི་འོད་ཟེར་གྱིས། །ནམ་མཁའ་མ་ལུས་འགེངས་པར་བལྟ། །དེ་ལས་ཁྲོ་བོ་ཆེན་པོ་སྟེ། །དྲི་མ་མེད་པ་གཞོན་ནུའི་སྐུ། །བདུད་ལ་སོགས་པ་རབ་འཇོམས་པས། །རྣམ་རྟོག་ཐམས་ཅད་འཇོམས་པར་བསྒོམ། །གཞོན་ཞིང་སྐུ་རྒྱས་སྐུ་མདོག་གནག་།འོད་ཀྱིས་ནམ་མཁའ མ་ལུས་འགེངས།།དབུ་སྐྲ་དམར་སེར་བཅིངས་ཤིང་འཕྱང་། །སྐུ་ནི་འགྱིང་བག་རབ་ཏུ་གཡོ། །གཡོན་བརྐྱང་གཡས་ནི་ཅུང་ཟད་བསྐུམ། །སྤྱན་གསུམ་ཉི་ཟླ་བཞིན་དུ་དམར། །སྟེང་འོག་ཕྱོགས་བཅུར་བལྟ་བར་མཛད། །མཆེ་བ་རྣོ་དཀར་རབ་ཏུ་གཙུགས། །ལྗགས་ནི་ ཀློག་ལྟར་རབ་ཏུ་འགྱུར།།སྨིན་མ་ཁྲོ་གཉེར་རབ་ཏུ་བསྡུ། །ཕྱག་གཉིས་རལ་གྲི་སྦྲུལ་ཞགས་བསྣམས། །སྟག་དང་སྦྲུལ་གྱི་རྒྱན་གྱིས་བརྒྱན། །མི་བསྐྱོད་ལ་སོགས་དབུ་རྒྱན་ཅན། །མ་རུངས་འདུལ་ཞིང་འགྲོ་དོན་མཛད། །ཁྲོ་རྒྱལ་སྣ་ཚོགས་སྐུ་ལས་སྤྲོ། །ཇི་ལྟར་འདོད་པས་ཡོངས་སུ་བསྐོར། ། ཐུགས་ཀར་པད་ཉིའི་སྟེང་དུ་ནི། །ཡེ་ཤེས་སེམས་དཔའ་རང་འདྲ་བསྒོམ། །ཡང་དེའི་ཐུགས་ཀར་ཉི་མ་ལས། །ཧཱུཾ་ནི་འོད་དང་བཅས་པར་བལྟ། །ཁྲོ་བོ་རྡོ་རྗེ་ཤུགས་ཅན་ནི། །སྐུ་མདོག་ནག་པོ་འཁོར་ལོ་འཛིན། །རྡོ་རྗེ་ཆགས་ཆེན་སྐུ་མདོག་དམར། །ཆགས་པར་བྱེད་པའི་མདའ་གཞུ་འཛིན། ། རྡོ་རྗེ་རྣོན་པོ་ལྗང་གུ་སྟེ། །འཛིན་པའི་བདག་ཉིད་ལྕགས་ཀྱུ་འཛིན། །རྡོ་རྗེ་འབར་བ་དཀར་པོ་སྟེ། །འཇོམས་བྱེད་རྡོ་རྗེའི་བྲག་འཛིན་པའོ། །རྡོ་རྗེ་ཁྲོ་བོ་སེར་པོ་སྟེ། །ཕྱག་ན་རལ་གྲི་འབར་བ་བསྣམས། །རྡོ་རྗེ་གཏུམ་པོ་ལྗང་ནག་སྟེ། །སྤྲིན་གྱི་ཞགས་པ་ཕྱག་ན་བསྣམས། །རྡོ་རྗེ་ཐབས་བདག དུད་པའི་མདོག་།བྱ་བ་བྱེད་པའི་རྫ་རྔ་བསྣམས། །རྡོ་རྗེ་སྟོབས་ཆེན་མཐིང་ག་སྟེ། །གནམ་ལྕགས་འཁོར་ལོ་རབ་ཏུ་འཛིན། །རྡོ་རྗེ་སྒྱུ་སྟོབས་དམར་ནག་སྟེ། །རྡོ་རྗེ་བེ་ཅོན་ཕྱག་ན་འཛིན། །རྡོ་རྗེ་རབ་འབྱེད་སྣ་ཚོགས་མདོག་།འཇོམས་བྱེད་རྡོ་རྗེ་རྩེ་གཅིག་བསྣམས། །ས་བཅུའི་ཡོན་ཏན་བདག ཉིད་ཅན།།སྐུ་འོད་མེ་ལས་འཕྲོས་པར་བསམ། །ཧཱུཾ་ལས་ཡེ་ཤེས་སེམས་དཔའ་ནི། །རང་དང་འདྲ་བ་སྤྱན་དྲངས་ལ། །ཛཿཧཱུཾ་བཾ་ཧོཿཡི་གེ་བཞིས། །དགུག་གཞུག་བཅིང་དང་དགེས་པ་བསྐྱེད། །ོཾ་དང་ཨཱཿདང་ཧཱུཾ་དང་གསུམ། །དཀར་དང་དམར་དང་ནག་བོ་ཡི། །སྤྱི་བོ་མགྲིན་པ་སྙིང་ག་ནི། ། སྐུ་གསུང་ཐུགས་སུ་བྱིན་གྱིས་བརླབ། །ས་བོན་ལས་འཕྲོས་འོད་ཟེར་གྱིས། །ཕྱོགས་བཅུའི་བདེ་བར་གཤེགས་པ་ལ། །དབང་བསྐུར་ཡིད་ཀྱིས་གསོལ་བ་གདབ། །ཐུགས་ལས་སྤྲུལ་པ་ལྷག་པའི་ལྷས། །རིན་ཆེན་བུམ་པ་བདུད་རྩིས་བཀང་། །སྤྱི་གཙུག་དབང་བསྐུར་རིགས་བདག མཚན།།འགྲོ་དྲུག་སེམས་ཅན་ཐམས་ཅད་ལ། །བྱམས་པས་བལྟ་བས་བལྟ་བའི་ཕྱིར། །མིག་ཏུ་ཧཱུཾཧཱུཾ་ནི་སེར་པོ་དགོད། །སྲོག་གི་ནང་དུ་མཾ་ནག་པོ། །སྤྱི་བོར་ཧཾ་ནི་རབ་ཏུ་དགོད། །ལུས་ཀྱིས་རྡོ་རྗེའི་ཕྱག་རྒྱ་བཅའ། །ངག་ཏུ་སྔགས་འདི་བརྗོད་པར་བྱ། །ན་མཿས་མནྟ་བཛྲཱ་ཎཱཾ། ཙཎྜ་མ་ཧཱ་ རོ་ཥ་ཎ་ཧཱུཾ་ཕཊ།འདི་ཡི་རྐྱེན་གྱིས་མ་རིག་པ། །འཇིག་ཅིང་ཡེ་ཤེས་སྐུར་བྱིན་བརླབ། །དེ་ལྟར་རབ་རྫོགས་གསལ་བར་བསྐྱེད། །དེ་ནས་སྒྱུ་མ་ལྟ་བུའི་སྐུར། །ཇི་སྲིད་འདོད་ཀྱི་བར་དུ་བསྒོམ། །དེ་ནས་ཉི་མ་ལ་གནས་པའི། །ཧཱུཾ་ལས་བྱུང་བའི་སྔགས་ཕྲེང་གིས། །དེ་ཉིད་ལ་ནི་གཡས་ སྐོར་ལ།།དམིགས་པའི་ཚུལ་གྱིས་སྔགས་འདི་བཟླས། །ན་མཿས་མནྟ་བཛྲཱ་ཎཱཾ། ཏྲ་ཐཱ་ཨ་མོ་ཀ་ཙཎྜ་མ་ཧཱ་རོ་ཥ་ཎ། སྤོ་ཊ་ཡ་ཧཱུཾ། ཏྲཱ་ས་ཡ་ཏྲཱ་ས་ཡ། ཨ་ཀྲཱ་མ་ཡེ་ཨ་ཀྲཱ་མ་ཡེ་ཧཱུཾ། ཏྲ་ཏ་ཧཾ་མཾ་ཞེས་པའམ། ཡང་ན་ཨོཾ་ཙཎྜ་མ་ཧཱ་རོ་ཥ་ཎ་ཧཱུཾཧཱུཾ་ཕཊ། ཨ་ཙ་ལ་ཀ་ན་ཙཎྜ་ཙཎྜ། ན་ཏ་ན་ཏ། མ་ཏྲ་ ཏ་མ་ཏྲ་ཏ།མོ་ཏྲ་ཏ་མོ་ཏྲ་ཏ། ཤ་ཏ་ཤ་ཏ། ཊ་ཏ་ཊ་ཏ། ཧ་ན་ཧ་ན། ད་ཧ་ད་ཧ། མོ་ཧ་མོ་ཧ། མོ་ཧ་སརྦ་པཱ་པཾ་ཀ་ར། ཧ་ས་ཧ་ས། བཛྲ་ཧ་ས་ཨ་མོ་ཀ་ཀ་རུ། ཧ་ས་ཧ་ས། མརྟ་མརྟ། གརྫ་གརྫ། བནྡྷ་བནྡྷ། ཧ་ན་ཧ་ན། ཏིཥྛ་ཏིཥྛ། ཨཱ་བེ+ེ་ཤ་ཡ། ཨཱ་བེ+ེ་ཤ་ཡ། མ་ཧཱ་མནྟྲ་ས་ཀ་ལ། དྷུ་ན་དྷུ་ན། ཏི་ནི་ཏི་ནི། ཁ་ན་ཁ་ན། སརྦ་བིགྷྣཱ་ན། མཱ་ར་ཡ་མཱ་ར་ཡ། སརྦ་དུཥྚཱ་ན། བྷཀྵ་བྷཀྵ། སརྦ་བིགྷྣཱ་ན། ཀུ་རུ་ཀུ་རུ། མ་ཧཱ་པི་ཥ། སརྦ་པཱ་པཾ། མ་ཧཱ་བཛྲ། སྥོ་ཊ་ཡ་སྥོ་ཊ་ཡ། ཏྲི་བ་ལི་ཏ་རཱ་གནྟ་ཀ་།ཧཱུཾ་ཧཱུཾ་མཾ་མཾ་ཧཾ་ཧཾ། ན་མཿས་མནྟ་བུདྡྷཱ་ནཱན། ཙཎྜ་མ་ཧཱ་རོ་ཥ་ཎཱ་ཡ། ཨ་མོ་ཀེ་ཧེ་ཧི། ཨ་མོ་ཀ ཧེ་ཧི། ཕྲ་ཏི་ཧ་ཏ་ཨ་ཙ་ལ་ཙེ་དྷ། ཨ་ནནྟ་ཀ་ནཾ། ཏིཥྛ་ཏིཥྛ། ཙ་རུ་ཙ་རུ། ཏ་ཌི་ཏ་ཌི། ཌ་ཏ་ཌ་ཏ། བིགྷྣཱ་ན་གྷ་ཏ་ཡ། མཱ་ར་ཡ། ཁ་ཏ་ཡ། སྥོ་ཊ་ཡ། ཤ་ཏྲཱུཾ་ཙ་ལེ། ཨ་ནུ་བནྡྷ། ཨ་ཙ་ཀུ་རུ། ཨ་ཧ་ས། ཨ་དྷ་ན་གྲ། ཀ་ཏྲ་ཊ་ཀ་ཏྲ་ཊ། མ་ཊ་མ་ཊ། ཧཾ་ཧཾ། ཨ་ཏི་བ་ལ་ཨེ་ཧི། མ་ཧཱ་ གུ་ཎ་བྷི་ཥ་ན།ནཱ་ཊ་ཏ་ནཱ་ཊ་ཏ། ཨ་བེ+ེ་ཤ་ཡ། ཨ་ཙ་ལ་ཙེ་དྷ། སརྦ་ཏ་ཊ། ཨ་ནུ་ད་རེ། ཨ་ཙེ་ཊ་ཏ་ཊ་ཏ། ཌ་མཾ་ཌ་མ། ཧཾ་ཧཾ། མཾ་མཾ། ཕཊ་ཕཊ། ཧཱུཾ་ཧཱུཾ། ན་མཿས་མནྟ་བཛྲཱ་ཎཱཾ། ཏྲ་ཐཱ་ཨ་མོ་ཀ་།ཙཎྜ་མ་ཧཱ་རོ་ཥཎཱ། སྥོ་ཊ་ཡ་སྥོ་ཊ་ཡ། ཧཱུཾ་ཧཱུཾ། ཏྲཱ་ས་ཡ་ཏྲཱ་ས་ཡ། ཀྲ་མ་ཡ་ཀྲ་མ་ཡ་ཧཱུཾ། ཏྲ་ཏ་ཧཾ་མཾ། ཨོཾ་བ་ལི་ཏ། ཏི་ཛ་མ་ལི་ནི་སྭཱ་ཧཱ། ན་མཿས་མནྟ་བུདྡྷཱ་ནཱཾ། ཙཎྜ་མ་ཧཱ་རོ་ཥ་ཎ་ཧཱུཾཧཱུཾ་ཕཊ། ཨ་ཙ་ལ་ཙེ་དྷ་སྥོ་ཊ་ཡ་སྥོ་ཊ་ཡ་ཧཱུཾ། ཨ་ས་ལན་ཏྲི་ཀ་ཏྲཱ་ཧཱ། མ་ཧཱ་བ་ལ་ཤ་ཏ། བ་ར་མནྟྲ་ཨཾ་ཨཾ་ཧཱཾ་ཧཱཾ། ཤུདྡྷ་ཏྲི་ལོ་ཀྱ་ཏུ་ཥྱེ་ཏུ་བཛྲ། ཨ་པྲ་ཏི་ཧ་ཏ། པ་ལི་བྷྱཿ། ན་མཿཛྭ་ལ་ཡ་ཏྲ ཏ། ཏ་ས་ན། མཾ་ཧཱཾ་ཧཱུཾ་སྭཱ་ཧཱ། ཞེས་པ་འབུམ་ལ་སོགས་པར་ནི། །མན་ངག་ཅན་གྱིས་བཟླས་པ་བྱ། །དེས་ནི་འཚེ་བ་ལ་སོགས་པའི། །མི་མཐུན་ཕྱོགས་རྣམས་ཞི་བར་འགྱུར། །མཆོག་དང་ཐུན་མོང་དངོས་གྲུབ་རྣམས། །ཇི་སྐད་བཤད་པ་འགྲུབ་པར་འགྱུར། །དེ་ནས་ཆོས་དབྱིངས་ རང་བཞིན་ལས།།ཡོངས་སུ་གནས་པ་བསྒོམ་པར་བྱ། །དེ་ལས་སྐད་ཅིག་ལྷར་དམིགས་ལ། །རིན་ཆེན་སྣོད་དུ་གཙང་མའི་རྫས། །དཀར་གསུམ་ལ་སོགས་རྩི་སྨན་བཅས། །ཆ་ལྔའམ་བདུན་ནི་བཤམ་པར་བྱ། །དེ་ནས་བྱིན་གྱིས་བརླབ་པ་ནི། །ོཾ་སརྦ་དྷརྨ་ཏ་བཛྲ་ས་ཏི་ཧཱུཾ། ལན་གསུམ་ བརྗོད་པས་དག་པར་བྱ།།ལུས་ཀྱི་མཆོད་སྦྱིན་ཕྱག་རྒྱ་བཅས། །འབྲུ་གསུམ་སྔགས་ཀྱིས་བྱིན་གྱིས་བརླབ། །ོཾ་ཨ་མྲྀ་ཏེ་ཨོཾ་ཧཱུཾ་ཧྲཱིཿཞེས་བརྗོད་འདོད་པའི་དོན་དུ་བརླབ། །ཡང་ནི་མཆོད་སྦྱིན་ཕྱག་རྒྱ་བཅའ། །ངག་ནས་སྔགས་འདི་བརྗོད་པར་བྱ། །ོཾ་ན་མཿསརྦ་ཏ་ཐཱ་ག་ཏེ་བྷྱོ། །བི་ཤྭ་མུ་ཁེ་ བྷྱཿ།སརྦ་ཏཏྑཾ་ཨུངྒ་ཏེ། སྥ་ར་ཎ་ཨི་མཾ་ག་ག་ན་ཁཾ། ལན་གསུམ་བརྗོད་པས་སྤེལ་བར་བྱ། །ཡང་ན་རབ་གནས་དབུལ་བའམ། །རྗེ་བཙུན་ཕྱོགས་སྐྱོང་འགྲོ་དྲུག་བཅས། །མདུན་གྱི་མཁའ་ལ་སྤྱན་དྲངས་ལ། །བྱིན་གྱིས་བརླབས་ལ་མཆོད་པ་ནི། །ན་མཿསརྦ་ཏ་ཐཱ་ག་ཏ་ཨ་བ་ལོ་ཀི་ཏི། ཨོཾ་སཾ་བྷ་ར་སཾ་བྷ་ར་ཧཱུཾ། ཞེས་པ་ལན་བདུན་སྔགས་ཀྱིས་ནི། །བཅོམ་ལྡན་འབྱུང་པོ་འཁོར་བཅས་མཆོད། །ོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ། ཨཱ་དྱ་ནུཏྤནྣ་ཏྭཱཏ། ཨོཾ་ཨཱཿཧཱུཾ་ཕཊ་སྭཱ་ཧཱ། ཆོས་བཤད་བསྟོད་ལ་བདེན་སྟོབས་བརྗོད། །བདག་གི་བསམ་པའི་སྟོབས་དང་ནི། །དེ་བཞིན གཤེགས་པའི་སྦྱིན་སྟོབས་དང་།།ཆོས་ཀྱི་དབྱིངས་ཀྱི་སྟོབས་རྣམས་ཀྱིས། །སེམས་ཅན་ཀུན་ལ་ཕན་གདགས་ཕྱིར། །དོན་རྣམས་བསམ་པ་གང་དག་ཀུན། །འཇིག་རྟེན་ཁམས་ནི་མ་ལུས་པར། །དེ་དག་ཐམས་ཅད་ཅི་རིགས་སུ། །ཐོགས་པ་མེད་པར་འབྱུང་འགྱུར་ཤོག་།གང་འདོད་ཕྲིན་ ལས་གཞོལ་བར་བྱ།།ལུས་ཀྱིས་ཐལ་མོ་སྦྱར་བྱས་ཏེ། །སྔགས་འདི་བརྗོད་པས་དམ་ཚིག་གསོ། །ོཾ་ན་མཿས་མནྟ་བུདྡྷཱ་ནཱཾ། ཙཎྜ་མ་ཧཱ་རོ་ཥ་ཎ། ཨས་མེ་ཏྲི་ས་མ་ཡ། མ་ཧཱ་ས་མ་ཡ། སརྦ་པཱ་པཾ་ཤུདྡྷ་སྭཱ་ཧཱ། བཛྲ་མུཿཡིས་ཡེ་ཤེས་གཤེགས། །དགེ་རྩ་བསྔོས་ལ་སྨོན་ལམ་གདབ། ། སྤྱོད་ལམ་དག་ནི་ཐམས་ཅད་དུ། །ལྷ་ཡི་ང་རྒྱལ་གསལ་བས་བྱ། །ཐུན་བཞི་རུ་ནི་བརྩོན་པས་བསྒྲུབ། །སྔགས་དང་ཕྱག་རྒྱ་ལ་སོགས་པ། །ཇི་སྐད་བཤད་པའི་དམ་ཚིག་རྣམས། །ལུས་དང་སྲོག་ལ་མི་ལྟ་བར། །ཡང་དག་པར་ནི་བསྲུང་བར་བྱ། །བསྙེན་པ་ཚད་དང་ལྡན་པ་ཡིས། །བསྲུང་བ བདུན་སོགས་ལས་རྣམས་འགྲུབ།།རཀྵ་རཀྵ་ཧཱུཾ་ཕཊ་སྭཱ་ཧཱ། ཨོཾ་སྥུ་ཊ་སྥུ་ཊ་མ་ཧཱ་ཀྲོ་དྷ་ཧཱུཾ་ཕཊ། ཛྷ་ཏི་ཛྷ་ཏི་སྥོ་ཊ་ཡ་ཧཱུཾཧཱུཾ་ཕཊ། ཅེས་པས་ཀླུ་ལ་མངག་པར་བྱའོ། །མཱ་ར་ཡ་ཛ་ཛཱ། ཨ་ཏི་ཐུམ་ཐུམ། རྦད་རྦད། ཤག་ཤག་།ཚལ་ཚལ། ཙི་ཏྲ་ཏ་ར། ཙི་ཏ་གྲི་ཧ་ན། ཙིཏྟ་ཕྱུང་། དྷ་པོ་དམ་ཙག་ས་མ་ཡ་ ཕྱེ།སྙིང་ས་མ་ཡ་ཕྱེ། རྦད་རྦད་ཕྱེ། སྙིང་ལ་ཡཾ། ས་མ་ཡ་ཏྲེ་ཧེ། སྙིང་ལ་བཟེར། དུ་ཁ་ཕྱེ། བ་ཕྱེ། ཨོཾ་སྥུ་ཊ་སྥུ་ཊ། མ་ཧཱ་ཀྲོ་དྷ་ཧཱུཾ། ཛྷཧཱུཾ་ཏི་ཛྷ་ཏི། སྥོ་ཊ་ཡ་སྥོ་ཊ་ཡ། ཏཱུ~ཾ་ཕཊ་སྭཱ་ཧཱ་ཧཱུ~ཾ་ཕཊ། ཅེས་པ་སྲོག་སྔགས་སོ། །མིང་འཇུག་གསུམ་བཞི་དྲུག་དང་དགུ། །གཉིས་པོ་དག་ལ་ཡང་དག་སྦྱར། ། མ་ར་ན་སོད་སོད། མ་ར་ན་བྱིང་བྱིང་། མ་ར་ན་རྨུགས་རྨུགས། མ་ར་ན་ཧ་ལ་ཧ་ལ། མ་ར་ན་དུན་དུན། མ་ར་ན་མྱོགས་མྱོགས། མཱ་ར་ཡ་ཐུམ་རིལ་རིལ། མཱ་ར་ཡ་ཛ། མན་ངག་ཇི་བཞིན་བཟླས་པ་བྱ། །དྲག་སྔགས་འབྲུ་བཏུས་བསྡེབས་པ་ནི། །འབྲུ་བསྡེབས་གསུམ་དང་དེ་བཞིན་དྲུག དུ་དང་ཀུན་ཐུབ་གཟུགས་བརྙན་ཅན།།བན་དྷེ་ཤ་ཡཱ་བ་ན་དྷེ་ཤ་ཡཱ། ཧ་ཧ། སྟཾ་བྷ་ཡཱ་སྟཾ་བྷ་ཡཱ། མ་ར་ཡཱ་ཛ་ཛཱ། ཐུམ་རིལ་རིལ། མན་ངག་བཞིན་དུ་ལས་ལ་སྦྱར། །ཏིང་འཛིན་བསྲུང་བ་ཟབ་མོ་ནི། །ལུས་ཀྱི་གནད་ཆེན་བཅུ་གསུམ་དུ། །པད་ཟླའི་གདན་ལ་ཧཱུཾ་ལས་ནི། །རྡོ་རྗེ་རྒྱ་གྲམ་རེ་རེ་བསྒོམ། ། སྤྱི་བོ་དཔྲལ་བ་མིག་གཉིས་དང་། །རྣ་བ་གཉིས་དང་སྣ་གཉིས་དང་། །ཁ་དང་དཔུང་པ་གཉིས་དང་ནི། །སྙིང་ག་གསང་བ་ལྟེ་བ་དང་། །བཤང་སྒོ་པུས་མོ་གཉིས་པོ་དང་། །རྐང་མཐིལ་རྣམས་སུ་གནས་པའོ། །དེ་ནས་གསང་སྔགས་གང་རུང་བཟླས། །མི་ཡིས་ཕྱི་ནང་བར་ཆད་བསལ། ། བཟའ་བཏུང་སྔགས་ཀྱིས་བྱིན་བརླབས་སྤྱད། །ངག་ནས་རྡོ་རྗེ་རྒྱ་གྲམ་ནི། །གསེར་ལས་གྲུབ་པའི་བྱིན་གྱིས་བརླབས། །ངག་དང་ཡིད་ཀྱིས་བཟླས་པ་ཡང་། །ཇི་ལྟར་འདོད་བཞིན་བཟླས་པ་བྱ། །ནང་གི་སྦྱིན་སྲེག་ཀླུ་ལ་བྱ། །མི་ལྡོག་རྟགས་ཀྱིས་ཀླུ་རྣམས་མནན། མ་ཧཱ་ཀཱ་ལས བསྟན་པ་བསྲུང་།།འཁོར་ལོ་སྦས་པས་ཀླུ་ལ་སྦྱར། །རྣལ་འབྱོར་བསྲུང་ཕྱིར་རལ་གྲིས་བཟློག་།ཡུལ་ཁམས་བསྲུང་དང་སྲིའུ་གསོ། །ནད་ཆེན་གསོ་དང་འབྱུང་པོ་བསྐྲད། །རྩ་ར་ཤིང་ལྟར་བྱ་བ་དང་། །དབང་དུ་བྱ་དང་རྨོངས་པ་དང་། །རལ་གྲི་བུམ་པ་ས་སྤྱོད་དང་། །རྐང་མགྱོགས་ མཁའ་སྤྱོད་མིག་སྨན་སོགས།།ལས་རྣམས་ཐེ་ཚོམ་ཡོད་མ་ཡིན། །འདི་བཀོད་དགེ་བ་གང་ཡིན་དེས། །བར་ཆད་སེལ་ཞིང་ཚོགས་རྫོགས་ནས། །འགྲོ་རྣམས་འབད་པ་ཆུང་ངུ་ཡིས། །བླ་མེད་བྱང་ཆུབ་མྱུར་ཐོབ་ཤོག་།འཕགས་པ་མི་གཡོ་བའི་སྒྲུབ་ཐབས་ཞེས་བྱ་བ། བླ་མ་གསེར་ ་གླིང་པས་མཛད་པ་རྫོགས་སོ།